სანელებელზე, სუნელზე ალერგიული რეაქცია აქვს მოსახლეობის 2%-ს.
ყველაზე ხშირი გამომწვევი მიზეზებია:
- ნიახური;
- ნიორი;
- დარიჩინი;
- ქუნჯუთი, ანუ სეზამი;
- კურკუმა;
- ხახვი;
- მდოგვი.
სტატისტიკურად, ალერგიული რეაქციის ყველაზე გავრცელებული მიზეზი მდოგვია. ალერგოლოგები ადასტურებენ, რომ ჰყოლიათ პაციენტები, რომელთაც ალერგიული რეაქცია გამოუვლინდათ შავი პილპილისა და ვანილის გამოც.
ჭეშმარიტი ალერგიის მიზეზი კონკრეტული ცილაა, რომელსაც სუნელი შეიცავს. ამასთან, ალერგია შესაძლოა განვითარდეს გადამკვეთი რეაქციის შედეგადაც, ანუ თუ ალერგიული ხართ თხილეულისა თუ ხის მტვრის მიმართ, სავსებით მოსალოდნელია ასევე იყოთ ალერგიული კონკრეტულ სანელებელზე.
სანელებლის მიმართ ხართ ალერგიული თუ შენიშნეთ შემდეგი სიმპტომები:
- დიარეა;
- გულისრევა;
- კუჭის პრობლემები;
- შებერილობა;
- ჭინჭრის ციება;
- ტუჩის შეშუპება;
- სუნთქვის უკმარისობა;
- ანაფილაქსია.
ხშირად ორგანიზმს დაგვიანებული რეაქცია აქვს სანელებელზე, შესაბამისად, რთულდება ზუსტი გამომწვევის იდენტიფიცირება. ამასთან, სუნელს ცალკე თითქმის არავინ მიირთმევს და იგი სხვადასხვა კერძის თუ ფუნთუშეულის ინგრედიენტად გამოიყენება.
წყარო:
