K ვიტამინი და მისი როლი ორგანიზმში.
რა ფუნქციას ასრულებს K ვიტამინი?
იგი ცხიმში ხსნადი ვიტამინია, რომელიც ხელს უწყობს სისხლის ნორმალურ შედედებას, აუმჯობესებს ძვლის მეტაბოლიზმს, არეგულირებს სისხლში კალციუმის დონეს.
K ვიტამინის მონაწილეობით ღვიძლში წარმოიქმნება პროთრომბინი. პროთრომბინი ცილა და სისხლის შედედების სისტემის ფაქტორია, რომელიც აუცილებელია სისხლის ნორმალური შედედებისა და ძვლის მეტაბოლიზმის პროცესისთვის.
თუ სისხლის გამათხელებელ მედიკამენტებს იღებთ, დაუშვებელია თვითნებურად რაციონის შეცვლა - K ვიტამინით მდიდარი პროდუქტები უნდა მიიღოთ (ან არ მიირთვათ) მხოლოდ მკურნალი ექიმის რეკომენდაციით.
აღნიშნული ვიტამინით მდიდარია შემდეგი პროდუქტები:
- ისპანახი;
- კომბოსტო;
- ბროკოლი;
- სალათის ფურცელი;
- მწვანე ლობიო;
- სატაცური;
- კიტრის მწნილი;
- ოხრახუში;
- ფოთლოვანი ჭარხალი;
- შავქლიავი;
- ავოკადო;
- ბარდა და სხვა.
