რა ფუნქციას ასრულებს E ვიტამინი და რატომ არის სასარგებლო ჯანმრთელობისთვის?
იგი ცხიმში ხსნადი ვიტამინია - ორგანიზმი E ვიტამინს იმარაგებს ღვიძლსა და ცხიმოვან ქსოვილებში.
გამოირჩევა შემდეგი სასარგებლო თვისებებით:
- ძლიერი ანტიოქსიდანტია. ქსოვილებს, უჯრედებსა და ორგანოებს თავისუფალი რადიკალებით გამოწვეული დაზიანებისგან იცავს;
- აძლიერებს იმუნიტეტს, ორგანიზმს ეხმარება გაცილებით მარტივად დაამარცხოს ვირუსები და ბაქტერიები;
- ჩართულია სისხლის წითელი უჯრედების ფორმირების პროცესში;
- ორგანიზმს ეხმარება K ვიტამინის ათვისებაში;
- უჯრედს E ვიტამინი სათანადოდ ფუნქციონირებისთვის სჭირდება;
- ამ თემის შესწავლა კვლავ მიმდინარეობს და დამატებითი სამეცნიერო ექსპერიმენტებია საჭირო, კერძოდ, ზოგიერთი მეცნიერის მოსაზრებით, E ვიტამინი მნიშვნელოვნად ამცირებს გულის დაავადების, ინსულტის, კიბოს, დემენციის, ღვიძლის დაავადების განვითარების რისკს.
