როგორ ვიმკურნალოთ სახლში და როდის მივმართოთ ექიმს?
ნეკნის დაჟეჟილობა შეიძლება მიიღოთ წაქცევით ან შეჯახებით - ამ ტიპის ტრავმა ხშირია სპორტული აქტივობისას. სამედიცინო ენაზე მას კონტუზია ეწოდება.
ბევრი ადამიანის აზრით, დაჟეჟილობა ნიშნავს იმ უბანს, სადაც ჩალურჯება/სისხლჩაქცევაა, თუმცა ძლიერი ტრავმისას სავსებით მოსალოდნელია დაზიანდეს შიდა სივრცე, რასაც ვიზუალურად უბრალოდ ვერ შენიშნავთ. მაგალითად, ნეკნის, ძვლის დაჟეჟილობას კომპიუტერული კვლევის გარეშე ვერ აღმოაჩენთ.
ნეკნის არეში მიღებული ტრავმა ტკივილს იწვევს - დისკომფორტი მწვავდება ღრმად ჩასუნთქვის, ხველების ან ცემინების ფონზე. კლინიკურ შემთხვევათა დიდ პროცენტში ნეკნის დაჟეჟილობა იკურნება თავისით, სპეციალური სამედიცინო ჩარევის გარეშე.
სასწრაფოდ უნდა მიმართოთ კლინიკას შემდეგი სიმპტომების დროს:
- გიჭირთ სუნთქვა;
- სიცხე;
- ადრე არ გაწუხებდათ ხველა და ახლა გამოგივლინდათ ან ძლიერად გახველებთ;
- მწვავე ტკივილი.
მსუბუქი დაჟეჟილობის მართვა შესაძლებელია სახლის პირობებში, რეკომენდებულია:
- დაისვენეთ და მოერიდეთ ნებისმიერ ისეთ აქტივობას, რომელიც გაამწვავებს დაზიანებულ უბანს;
- ქსოვილში გახვეული ყინული 10-20 წუთის განმავლობაში დაიდეთ;
- დალიეთ ტკივილგამაყუჩებელი;
- მდგომარეობის გაუმჯობესებისას, როგორც კი ტკივილი ალაგდება, ნელა დაუბრუნდით ცხოვრების ნორმალურ რიტმს;
- გახსოვდეთ, ნეკნის დაჟეჟილობას ზოგჯერ კვირა და რამდენიმე თვეც კი სჭირდება სრულად რომ განიკურნოს, შესაბამისად, თუ ტკივილი ისევ დაბრუნდება ხელახლა მოგიწევთ დასვენება.
წყარო:
https://myhealth.alberta.ca/Health/aftercareinformation/pages/conditions.aspx?hwid=ace3390
