გაურკვეველი უნაყოფობა

რას ნიშნავს გაურკვეველი უნაყოფობა?

ეს არის დიაგნოზი, რომელიც ნიშნავს იმას, რომ პიროვნებას ან წყვილს ჩაუტარდა ფერტილობის განმსაზღვრელი კვლევები, თუმცა დიაგნოსტირების ტესტმა ვერ აჩვენა გამომწვევი მიზეზი.

მკურნალობისთვის მოწოდებულია:

• ფერტილობის გასაუმჯობესებელი მედიკამენტები;

• ცხოვრების სტილის ცვლილება;

• საშვილოსნოსშიდა ინსემინაცია;

• ინ ვიტრო განაყოფიერება.

გაურკვეველი უნაყოფობისას ჩატარებული კვლევები აჩვენებს, რომ:

• საშვილოსნოში არ ფიქსირდება პათოლოგიური ან სტრუქტურული ცვლილებები;

• ოვულაცია დგება რეგულარული ინტერვალით;

• ფალოპის მილები ღიაა;

• კვერცხუჯრედების რაოდენობა ნორმაშია;

• ტვინი გამოიმუშავებს რეპროდუქციისთვის საჭირო ჰორმონებს, ნორმალური რაოდენობით;

• პარტნიორის სპერმის ანალიზი ნორმაშია.

გაურკვეველი უნაყოფობა დიაგნოსტირდება შემდეგ მდგომარეობაში:

• 35 წლამდე ასაკის ხართ და ცდილობთ დაორსულდეთ მინიმუმ ერთი წელია;

• 35 წელს გადაცილებული ხართ და დაორსულებას ცდილობთ 6 თვეა.

ერთ-ერთი სტატისტიკის თანახმად, გაურკვეველი უნაყოფობა აქვს წყვილების 30%-ზე მეტს.

გაითვალისწინეთ, დიაგნოზი გაურკვეველი უნაყოფობა არ ნიშნავს იმას, რომ შვილოსნობის უნარი არ გაქვთ - ამ დიაგნოზის მქონე უამრავი ქალი დაორსულდა შესაბამისი მკურნალობის ფონზე.

წყარო:

https://my.clevelandclinic.org/health/diseases/23187-unexplained-infertility