შეშუპებული ტუჩები - გამომწვევი მიზეზები.
ტუჩის შეშუპების მიზეზი ანთებითი პროცესი ან ტუჩის კანქვეშ სითხის დაგროვებაა. შეშუპებული ტუჩები შეიძლება იყოს როგორც კანის მსუბუქი დაავადების, ისე მწვავე ალერგიული რეაქციის სიმპტომი. ტუჩის შეშუპება ხშირად ყალიბდება სახის არეში მიღებული დაზიანების შედეგად.
სახის დაზიანების გამომწვევი მიზეზებია:
- ჭრილობა;
- ნაკბენი;
- დამწვრობა;
- ბლაგვი საგნით მიყენებული ტრავმა;
- იარის ხელახალი გახსნა და სხვა.
ტრავმის ტიპიდან გამომდინარე ტუჩის შეშუპებასთან ერთად სავსებით მოსალოდნელია შენიშნოთ ისეთი ნიშნები როგორიცაა: სისხლდენა, ნაკაწრი, სისხლჩაქცევა.
ტრავმით გამოწვეული ტუჩის შეშუპების მკურნალობა დამოკიდებულია გამომწვევ მიზეზზე; მაგალითად, მსუბუქი დაზიანების დროს სრულიად საკმარისია ქსოვილში გახვეული ყინულის თუ ცივი საფენის დადება, თუმცა ღრმა ჭრილობისა და ძლიერი სისხლდენის შემთხვევაში პაციენტი სასწრაფოდ უნდა მოთავსდეს კლინიკაში და გაეწიოს შესაბამისი გადაუდებელი სამედიცინო დახმარება.
ტუჩის შეშუპების მიზეზი შესაძლოა იყოს ალერგიული რეაქცია და ზოგიერთ კლინიკურ შემთხვევაში ეს სიმპტომი სიცოცხლისთვის საშიში ისეთი მდგომარეობის ნიშანია როგორიცაა ანაფილაქსია (ასევე ცნობილია როგორც ანაფილაქსიური შოკი). მწვავე ალერგიული რეაქციის დროს პაციენტი სასწრაფო დახმარებას საჭიროებს - ყოველი წუთი გადამწყვეტია.
ანაფილაქსიის სხვა სიმპტომებია:
- დაბალი წნევა;
- სასუნთქი გზების შევიწროება;
- ენისა და ყელის შეშუპება;
- გულის წასვლა;
- სუსტი ან აჩქარებული პულსი.
წყარო:
https://www.healthline.com/health/swollen-lips#_noHeaderPrefixedContent
