რა არის ვაგინალური სოკოვანი ინფექცია?
ვაგინალური სოკოვანი ინფექცია სოკოვანი ინფექციაა, რომელიც იწვევს გარკვეულ სიმპტომებს. ეს მდგომარეობა ცნობილია ვაგინალური კანდიდოზის სახელწოდებითაც.
ცხოვრების მანძილზე, მინიმუმ ერთხელ, ყოველი 4 ქალიდან სამს ეს დიაგნოზი უდასტურდება. ზოგიერთ კლინიკურ შემთხვევაში ჩნდება ორჯერ.
შესაბამისი მედიკამენტებით დაავადება ადვილად მართვადია, თუმცა თუ ანამნეზში ფიქსირდება განმეორებითი ეპიზოდები, ექიმი საჭიროდ ჩათვლის ხანგრძლივ კურსს.
ვლინდება შემდეგი სიმპტომები:
- ვაგინასა და ვულვაში ქავილი და გაღიზიანება;
- წვის შეგრძნება (განსაკუთრებით მოშარდვის ან ინტიმური კავშირის დროს);
- ვულვის არეში სიწითლე და შეშუპება;
- ვაგინალური ტკივილი;
- გამონაყარი სასქესო არეში;
- უსუნო, სქელი, თეთრი, ხაჭოსებრი გამონადენი;
- თხიერი გამონადენი.
მიმართეთ ექიმს თუ:
- პირველად გამოგივლინდათ ვაგინალური სოკოვანი ინფექციის სიმპტომები;
- ზუსტად არ იცით სიმპტომები ინფექციის გამო გამოვლინდა თუ არა;
- სოკოს საწინააღმდეგო კრემებისა თუ სხვა საშუალებების გამოყენების მიუხედავად არ ალაგდა სიმპტომები;
- პარალელურად ჩამოყალიბდა სხვა ნიშნებიც.
როგორც წესი, ვაგინალური სოკოვანი ინფექციის გამომწვევი მიზეზია სოკო კანდიდა.
ვაგინალური სოკოვანი ინფექციის რისკი იზრდება შემდეგი ფაქტორების გამო:
- ანტიბიოტიკების მოხმარება;
- ესტროგენის მაღალი დონე;
- არ მკურნალობთ დიაბეტს, არ ხდება დაავადების ადეკვატური მართვა;
- დაქვეითებული იმუნიტეტი.
წყარო:
https://www.mayoclinic.org/diseases-conditions/yeast-infection/symptoms-causes/syc-20378999
