რა იწვევს ასთმურ შეტევებს?
ასთმური შეტევისას, გარკვეული გამღიზიანებლების გამო, ზედმეტად მგრძნობიარე იმუნური სისტემა სასუნთქ გზებს ანთებითსა და შეშუპებულს ხდის.
გამღიზიანებლები ადამიანიდან ადამიანში განსხვავდება, ინდივიდუალურია.
თუმცა ასთმური შეტევის ყველაზე გავრცელებული გამომწვევი მიზეზებია:
- ყვავილის მტვერი;
- შინაური ცხოველები;
- ობისა და მტვრის ტკიპა;
- ზედა რესპირატორული ინფექციები;
- თამბაქოს კვამლი;
- ცივი, მშრალი ჰაერის შესუნთქვა;
- სტრესი;
- გასტროეზოფაგური რეფლუქსი;
- ზოგიერთ კლინიკურ შემთხვევაში შეტევის მიზეზი უცნობი რჩება.
გაითვალისწინეთ, ასთმური შეტევის რისკის წინაშეა ნებისმიერი ადამიანი, რომელსაც კი ასთმის დიაგნოზი აქვს.
სერიოზული შეტევის რისკის წინაშე ხართ შემდეგი ფაქტორების გამო:
- წარსულში უკვე გქონდათ მწვავე ასთმური შეტევა;
- ასთმის გამო მოგიწიათ კლინიკაში მკურნალობა ან გადაგიყვანეს საავადმყოფოს გადაუდებელი დახმარების დეპარტამენტში;
- ასთმური შეტევის გამო იძულებული იყავით გესარგებლათ ინტუბაციით;
- თვეში ორზე მეტი ინჰალატორი გჭირდებათ;
- შეტევა შეუმჩნევლად გემართებათ, ანუ ვერ ასწრებთ გამწვავებული სიმპტომების შემჩნევას, გარკვეული საპრევენციო ღონისძიებების გატარებას;
- ასთმასთან ერთად გაქვთ სხვა ქრონიკული ჯანმრთელობის პრობლემები (მაგალითად, გულ-სისხლძარღვთა ან ფილტვის დაავადება, სინუსიტი და სხვა).
წყარო:
https://www.mayoclinic.org/diseases-conditions/asthma-attack/symptoms-causes/syc-
20354268
