შეკრულობა (სამედიცინო ენაზე ყაბზობა) ხშირი ჩივილია.
თუ ერთხელ მაინც შეუწუხებიხართ ამ პრობლემას, დაგვეთანხმებით, საკმაოდ დიდი დისკომფორტია.
შეკრულობა ნაწლავის დაყოვნებული, არასრული ან გაძნელებული დაცლაა.
ყაბზობისთვის დამახასიათებელია შემდეგი სიმპტომები:
- კვირაში სამზე ნაკლები დეფეკაცია;
- მყარი, გამაგრებული ან გამომშრალი განავალი;
- კუჭის მოქმედების დროს ჭინთვა;
- დაუცლელობის შეგრძნება, თითქოს სწორი ნაწლავიდან განავალი ბოლომდე არ გადის.
გაითვალისწინეთ, რომ თუ კუჭის შეკრულობას ხშირად უჩივით, თვითმკურნალობა დაუშვებელია და აუცილებელია მიმართოთ ექიმს.
რეკომენდაცია
შეკრულობის დროს შესაძლოა დაგეხმაროთ რამდენიმე მეთოდი:
- დალიეთ წყალი;
- მიირთვით ბოჭკოთი მდიდარი საკვები: შვრია, მარცვლეული, ბოსტნეული, ხილი (განსაკუთრებით ვაშლი). ასევე შესაძლოა ეფექტური აღმოჩნდეს შემდეგი პროდუქტები: იოგურტი, კეფირი, ბოსტნეულის წვნიანი, ქლიავის ჩირი;
- აფთიაქში შეიძინეთ მედიკამენტი, რომელიც კუჭის მოქმედებაში დაგეხმარებათ (აფთიაქში განუმარტეთ ჩივილის შესახებ და სპეციალისტი დაგეხმარებათ);
- როგორც შეძლებთ იმოძრავეთ, შეგიძლიათ ერთ ადგილზე იხტუნოთ;
- ჩაიტარეთ მუცლის მასაჟი ნაწლავის პერისტალტიკის გასაუმჯობესებლად.
წყარო:
https://www.healthline.com/health/digestive-health/how-to-make-yourself-poop
