უსიამოვნო ან უჩვეულო სუნი ცხვირში

ზოგიერთი ადამიანი ცხვირის არეში უსიამოვნო სუნს უჩივის.

გამომწვევი მიზეზი სავსებით შესაძლებელია დაკავშირებული იყოს სინუსისა და პირის ღრუს, ცხვირის გასავალი არხების პრობლემებთან.

შემდეგი მდგომარეობები ხშირად ხდება ცხვირში უსიამოვნო სუნის მიზეზი:

• მწვავე და ქრონიკული სინუსიტი;

• პირის ან კბილის ინფექცია;

• პირის სიმშრალე;

• ზოგიერთი მედიკამენტი (გვერდითი ეფექტი);

• გარკვეული საკვები და სასმელი;

• საჭმლის მომნელებელი სისტემის დარღვევები;

• თამბაქო;

• დიაბეტი;

• ღვიძლის დაავადება;

• თირკმლის დაავადება.

კლინიკურ შემთხვევათა დიდ პროცენტში მდგომარეობები, რომელიც ცხვირში უსიამოვნო სურნელის გამომწვევია, არ არის სიცოცხლისთვის საშიში, თუმცა თუ სუნი მწვავე ან ქრონიკულია, თავისთავად, ქვეითდება პაციენტის ცხოვრების ხარისხი - უმადობის ფონზე იზრდება ვიტამინებისა და საკვები ნივთიერებების დეფიციტის, არასასურველი წონის კლებისა და ასევე სხვა დაავადებების განვითარების რისკი.

ეს საკვები თუ სასმელი ხშირად ტოვებს გარკვეულ სუნს ცხვირში:

• ნიორი და ხახვი;

• ყავა;

• ალკოჰოლი;

• სუნელით შეზავებული კერძები.

ზოგჯერ დიაგნოზი ფანტოსმიაა. ეს სამედიცინო ტერმინი მიუთითებს იმაზე, რომ პაციენტი გრძნობს ისეთ სუნს, რომელიც რეალურად გარემოში არ არის.იგი ყნოსვითი ჰალუცინაციაა და ადამიანს ეჩვენება თითქოს ჩაისუნთქავს დამწვრის, მეტალის, ობის, თამბაქოს, ლპობისთვის თუ ქიმიური ნივთიერებებისთვის დამახასიათებელ სუნს.

წყარო:

https://www.medicalnewstoday.com/articles/325596