ქუნთრუშა

რა არის ქუნთრუშა?

ქუნთრუშა ბაქტერიული დაავადებაა, რომელიც იმ ზოგიერთი ადამიანის ორგანიზმში ყალიბდება, ვისაც სტრეპტოკოკული ფარინგიტი აქვს.

ინფექცია გავრცელებულია 5-დან 15 წლამდე ასაკის ბავშვებში.

წლების წინ ეს დიაგნოზი ძალიან საშიში იყო, თუმცა ანტიბიოტიკოთერაპიის შემუშავების ფონზე ავადობის სიმძიმემ იკლო - თავისთავად, სიმპტომებს ადეკვატური და დროული მართვა ახლაც სჭირდება, რადგან წინააღმდეგ შემთხვევაში მოსალოდნელია გულის, თირკმელისა და სხვა ორგანოების დაზიანების რისკი.

დამახასიათებელია შემდეგი სიმპტომები:

• წითელი გამონაყარი;

• წითელი ხაზები;

• აჭარხლებული სახე;

• მარწყვისმიერი ენა;

• სიცხე 38 და მეტი გრადუსი კანკალის ფონზე;

• მტკივნეული, ანთებითი და წითელი ყელი;

• ყლაპვის გაძნელება;

• გულისრევა ან ღებინება;

• მუცლის ტკივილი;

• თავისა და სხეულის ტკივილი.

დაუკავშირდით პედიატრს თუ ბავშვი უჩივის ყელის ტკივილს და ამ სიმპტომს თან ერთვის შემდეგი ნიშნები:

• მაღალი სიცხე (38 და მეტი);

• შეშუპებული ჯირკვლები;

• წითელი გამონაყარი.

პაციენტი სასწრაფოდ უნდა მოთავსდეს კლინიკაში ამ სიმპტომების დროს:

• სუნთქვის უკმარისობა მოსვენებულ მდგომარეობაში;

• სუნთქვის გაძნელება;

• ხმაური სუნთქვის დროს;

• სწრაფი სუნთქვა;

• გულმკერდის ტკივილი;

• პაციენტს უჭირს სითხის ან ნერწყვის გადაყლაპვა;

• ვერ აღებს პირს ნორმალურად;

• უენერგიობა, დაბნეულობა, გამოფხიზლების პრობლემა;

• თავბრუსხვევა ჯდომის ან დგომის დროს;

• ნერწყვდენა;

• მუდმივი ან მწვავე ღებინება თუ დიარეა;

• გაუწყლოება.

ქუნთრუშას მიზეზი A ჯგუფის სტრეპტოკოკია.

ინფექცია ადამიანიდან ადამიანზე გადადის წვეთებით (ხველება ან ცემინება).

ინკუბაციის პერიოდი მოიცავს 2-დან 4 დღემდე პერიოდს.

წყარო:

https://www.mayoclinic.org/diseases-conditions/scarlet-fever/symptoms-causes/syc-20377406