როდესაც ტვინი დაღლილია.
ინტენსიური ფიზიკური აქტივობის შემდეგ უენერგიობას გრძნობთ და ძალა გამოცლილი გაქვთ, ხომ სწორია? ზუსტად იგივე ემართება ტვინს მენტალური გამოფიტვისას.
მენტალური გადაღლის რისკის წინაშე ხართ თუ:
- შესვენების გარეშე რამდენიმე საათის განმავლობაში მუშაობთ ან სწავლობთ;
- საკუთარ თავზე ზედმეტ პასუხისმგებლობას იღებთ, შესაბამისად, ყოველდღიურად ამ საკითხებთან გამკლავება გიწევთ;
- მენტალური ჯანმრთელობის სიმპტომებით ცხოვრობთ;
- ყოველდღე უზარმაზარ მენტალურ ენერგიას ხარჯავთ პრობლემებზე ფიქრში, არ ერიდებით სტრესის გამომწვევ მიზეზებს თუ სტრესულ გარემოს.
ფსიქიკური გადაღლილობის გამო ადამიანს უჭირს პრობლემების გადაჭრა, ადეკვატურად აზროვნება, ემოციების მართვა, ინფორმაციის გაანალიზება.
მენტალური გამოფიტვისთვის დამახასიათებელია შემდეგი სიმპტომები:
- დეპრესიული განწყობა;
- შფოთვა;
- პესიმიზმი, ცინიზმი;
- გაღიზიანება;
- სიბრაზე;
- ემოციების მართვის პრობლემა;
- შიშის გრძნობა;
- ქვეითდება მოტივაცია და პროდუქტიულობა;
- დაქვეითებულია რეაქცია;
- კონცენტრაციისა და მეხსიერების პრობლემები.
მენტალური გამოფიტვა უარყოფით კვალს ტოვებს ფიზიკურ ჯანმრთელობაზეც, კერძოდ, გამოიხატება შემდეგი სიმპტომებით:
- თავისა და სხეულის ტკივილი;
- კუჭის პრობლემები;
- უძილობა;
- ცვლილება მადასთან და წონასთან დაკავშირებით;
- ხშირი გაციება;
- საერთო სისუსტე.
წყარო:
https://www.healthline.com/health/mental-exhaustion#symptoms
