სავსებით შესაძლებელია ეს ორი სიმპტომი (თავის ტკივილი და სიცხე) ერთდროულად გაწუხებდეთ.
აღნიშნული ნიშნების გამომწვევი მიზეზებია ინფექცია, ალერგია, მედიკამენტის გვერდითი მოვლენა და სხვა პრობლემები.
თავის ტკივილი და სიცხე შეიძლება ჰქონდეს როგორც ზრდასრულს, ისე ბავშვს.
ზოგიერთ კლინიკურ შემთხვევაში ეს სიმპტომები ერთგვარი სიგნალია იმისა, რომ ორგანიზმი გაცილებით სერიოზულ ინფექციას თუ დაავადებას ებრძვის.
სამედიცინო ჩარევაა აუცილებელი შემდეგი სიმპტომების დროს:
- მაღალი სიცხე (39.4 და მეტი);
- ძლიერი თავის ტკივილი;
- გამონაყარი;
- კისრის ტკივილი ან გაშეშება;
- სუნთქვის უკმარისობა;
- მუცლის ტკივილი;
- ტკივილი მოშარდვის დროს;
- დაბნეულობა;
- ხშირი ღებინება;
- შეტევა ან გულის წასვლა.
თუ ბავშვს სიცხე და თავის ტკივილი გამოუვლინდა ვაქცინაციის შემდეგ სასწრაფოდ მიმართეთ კლინიკას ამ სიმპტომების შემთხვევაში:
- ჩვილი 12 კვირამდე ასაკისაა;
- კისრის გაშეშება;
- უჭირთ კისრის ნორმალურად მოძრაობა;
- ტირიან 3 საათზე მეტი ხნის განმავლობაში;
- არ რეაგირებენ გამღიზიანებლებზე თუ თქვენს საუბარზე ან არ ტირიან.
აუცილებლად გაიარეთ პედიატრის კონსულტაცია თუ ბავშვს აწუხებს შემდეგი სიმპტომები:
- სიცხე გრძელდება 3 დღეზე მეტხანს;
- იმუნიზაციის ინექციის გარშემო სიწითლე 7 სანტიმეტრზე დიდი ზომისაა;
- კანზე სიწითლე ან ერთგვარი წითელი ზოლები გაჩნდა იმუნიზაციიდან 2 დღის შემდეგ;
- ყურს ეხებიან;
- სხეულის ნებისმიერ მიდამოში გაუჩნდათ შეშუპება (კოპის მსგავსი) ან ბებერები.
წყარო:
