აპენდიციტის (ჭიანაწლავის ანთება) ძირითადი სიმპტომი მუცლის ტკივილია (ჭიპის არეში).
პათოლოგიური პროცესი შესაძლოა ჩამოყალიბდეს ნებისმიერ ასაკში, თუმცა დიაგნოზი განსაკუთრებით ხშირია 10-დან 30 წლამდე ასაკის პირებში.
სიმპტომების გამოვლენისთანავე პაციენტი უნდა გადაიყვანოთ კლინიკაში, რადგან თუ დროულად არ უმკურნალებთ, გართულებების რისკი იზრდება. აპენდიციტის ერთ-ერთი გართულება მისი გასკდომაა - ამ პროცესის დროს მუცლის ღრუში ინფექცია ვრცელდება. კიდევ ერთი გართულებული კლინიკური შემთხვევის მაგალითი აბსცესია (ქსოვილების ანთებითი პროცესი ჩირქოვანი წარმონაქმნებით).
დიაგნოსტირებისთვის მოწოდებულია:
- პაციენტის ფიზიკური გასინჯვა, სიმპტომების შეკრება, სამედიცინო ისტორიის შესწავლა;
- სისხლის ანალიზი;
- შარდის ანალიზი;
- შესაძლოა საჭირო გახდეს კომპიუტერული ტომოგრაფია, მაგნიტურ- რეზონანსული ტომოგრაფია ან მუცლის ღრუს ულტრაბგერა.
მკურნალობის სტანდარტული მეთოდი აპენდიქსის ქირურგიული ამოკვეთაა (პროცედურას აპენდექტომია ეწოდება).
ოპერაციამდე პაციენტს შესაძლოა დაენიშნოს ანტიბიოტიკოთერაპია, ინფექციის მკურნალობის მიზნით.
წყარო:
https://www.mayoclinic.org/diseases-conditions/appendicitis/diagnosis-
treatment/drc-20369549
