თუ ეს სიმპტომები გაწუხებთ, სავარაუდოდ, ორგანიზმს მზის სხივების ვიტამინი აკლია

რა ფუნქციას ასრულებს D ვიტამინი ორგანიზმში?

D ვიტამინი ცნობილია მზის სხივების ვიტამინის სახელწოდებითაც და სასარგებლოა როგორც ფსიქიკური, ისე ფიზიკური ჯანმრთელობისთვის.

მზის სხივების ვიტამინი აძლიერებს იმუნიტეტს, მონაწილეობს კალციუმის ცვლაში, დადებითად აისახება გუნება-განწყობილებაზე.

D ვიტამინი რეკომენდებულია ძვალ-სახსროვანი სისტემისთვის, გიცავთ რაქიტისგან და ოსტეოპოროზისგან.

D ვიტამინის მეშვეობით მნიშვნელოვნად მცირდება ინფექციის განვითარების რისკი - გამოირჩევა ანთების საწინააღმდეგო ეფექტით.

ეს ვიტამინი გავლენას ახდენს ნაწლავიდან კალციუმის, მაგნიუმის, თუთიის, ფოსფატისა და რკინის შეწოვაზე, პასუხისმგებელია ძვალ-სახსროვანი სისტემის გამართულ მუშაობასა და ნერვული სისტემის სათანადო ფუნქციონირებაზე.

ორგანიზმში D ვიტამინი დიდი რაოდენობით გამომუშავდება მზის სხივებით (ანუ როცა ადამიანი მზეზე სეირნობს, მზის გულზე იმყოფება).

D ვიტამინის ბუნებრივი გზით მიღების წყარო მზის სხივებია, ხოლო 10% საკვებიდან (თევზი, სოკო, რძე, იოგურტი, მარცვლეული, ფორთოხლის წვენი, კვერცხი და სხვა) წარმოიქმნება.

რა სიმპტომები ვლინდება დეფიციტის დროს?

ზრდასრულებში D ვიტამინისდეფიციტი ვლინდება შემდეგი სიმპტომებით:

დაღლილობა;
კუნთების სისუსტე;
სახსრებისა და ძვლის ტკივილი;
ხშირი მოტეხილობა (ძვლის მოტეხილობისკენ მიდრეკილება);
დეპრესია;
გუნება-განწყობილების ხშირი ცვლილება;
თმის ცვენა;
სუსტი და მტვრევადი ფრჩხილები;
ადამიანს რთულად უხორცდება ჭრილობა, შეხორცების პროცესი გახანგრძლივებულია.

ბავშვებში D ვიტამინის დეფიციტისთვის დამახასიათებელია შემდეგი ნიშნები და სიმპტომები:

გაღიზიანებადობა;
პატარა მოდუნებულია, უხალისოდაა;
ძვლის ხშირი მოტეხილობა;
ძვლის ტკივილი;
კბილების დეფორმაცია;
ადეკვატურ ზრდა-განვითარებასთან დაკავშირებული პრობლემები.

რა პათოლოგიები ყალიბდება D ვიტამინის დეფიციტის დროს?

ორგანიზმში D ვიტამინის დეფიციტის გამო მნიშვნელოვნად იზრდება შემდეგი დაავადებების განვითარების რისკი:

რაქიტი;
ოსტეომალაცია;
ოსტეოპოროზი;
დიაბეტი;
გულ-სისხლძარღვთა დაავადებები;
დეპრესია;
შფოთვა;
აუტოიმუნური დაავადებები და სხვა.

ვინ უნდა ჩაიტაროს ანალიზი?

ანალიზი რეკომენდებულია შემდეგ კლინიკურ შემთხვევებში:

სიმპტომებიდან გამომდინარე ეჭვობთ, რომ ორგანიზმს D ვიტამინი აკლია;
ოსტეოპოროზის დიაგნოზის შემთხვევაში;
მალაბსორბციის სინდრომის დიაგნოზის დროს;
გაწუხებთ ჭარბი წონა;
გაქვთთირკმლის ქრონიკული დაავადება და სხვა.

რას გთავაზობთ ჩვენი ლაბორატორია?

ჯანმრთელობისა და ტურიზმის საერთაშორისო ცენტრის შვილობილი კომპანია და თურქული კლინიკათა ქსელის „აჯიბადემის“ ოფიციალური პარტნიორი საქართველოში აი-ლაბ I-Lab ლაბორატორია გთავაზობთ D ვიტამინის ანალიზს.

თბილისში მდებარე ულტრათანამედროვე ლაბორატორიაში შეგიძლიათ ჩაიტაროთ სპეციალური ანალიზი, რომელიც სისხლში D ვიტამინის განსაზღვრას გულისხმობს.ენდოკრინოლოგი სწორედ ამ ანალიზის პასუხის შესაბამისად ნიშნავს მედიკამენტის ადეკვატურ დოზას.

ჩვენს ლაბორატორიაში გელით უსაფრთხო და კომფორტული გარემო - დაწესებულებაში დაცულია ჯანდაცვის სამინისტროს მიერ გაწერილი ყველა პროტოკოლი.

აი-ლაბ I-Lab-ში სრულიად ურიგოდ, თქვენთვის სასურველ დროს ჩაიტარებთ ანალიზს და არ მოგიწევთ დღის განრიგის შეცვლა.

გთხოვთ, გაითვალისწინოთ, აუცილებელია წინასწარი ჩაწერა.

დეტალური ინფორმაციის მისაღებად, გთხოვთ, დაგვიკავშირდეთ:

Tel: (+995) 595380038;