კომპანია Fortis Healthcare Limited ჯანმრთელობისა და ტურიზმის საერთაშორისო ცენტრის პარტნიორია

ჩვენი ორგანიზაციის პარტნიორთა სია ყოველდღიურად იზრდება.

ამჯერად მოგითხრობთ ინდოეთის ჯანდაცვის სისტემის ერთ-ერთი წამყვანი კომპანია Fortis Healthcare Limited-ის შესახებ, რომელიც მსოფლიოს 4 ქვეყანაში ოპერირებს და წარმატებული კლინიკებისა თუ დიაგნოსტირების ცენტრებისგან შედგება.

ჯანმრთელობისა და ტურიზმის საერთაშორისო ცენტრსა და აღნიშნულ კომპანიას შორის თანამშრომლობის მემორანდუმი გაფორმდა, შესაბამისად, საქართველოს მოქალაქეები ინდოეთის ერთ-ერთ წამყვან კლინიკაში მკურნალობას გაცილებით მარტივად შეძლებენ. 

როგორც ჯანმრთელობისა და ტურიზმის საერთაშორისო ცენტრის გენერალურმა დირექტორმა ეკატერინე ნეფარიძემ ჩვენთან ინტერვიუში განაცხადა, კომპანია მუმბაიში ფლობს 4 კლინიკას, სადაც პაციენტი ყველა პროფილის ექიმის სამედიცინო მომსახურებით სარგებლობს. 

"კლინიკაში ტარდება ღვიძლის, თირკმლისა და გულის გადანერგვის ურთულესი ოპერაციები. ასევე მნიშვნელოვანია, რომ კლინიკის ბაზაზე წარმატებით დაინერგა თანამედროვე მედიცინის ერთ-ერთი მთავარი მიმართულება რობოტული ქირურგია", - განაცხადა ქალბატონმა ეკატერინემ.