რა სიმპტომებით ვლინდება ორსულობა?
ორსულობის ყველაზე გავრცელებული ადრეული ნიშნები და სიმპტომები შესაძლოა იყოს:
- რეგულარული მენსტრუალური ციკლის ფონზე მენსტრუაციის შეწყვეტა;
- სარძევე ჯირკვლების დაჭიმულობა, გადიდება;
- გულისრევა ღებინებით ან ღებინების გარეშე;
- გახშირებული შარდვა;
- დაღლილობა.
ორსულობის სხვა ნაკლებად აშკარა, ცხადი ნიშნები და სიმპტომებია (აღნიშნული ქალმა შესაძლოა იგრძნოს პირველ ტრიმესტრში):
- ხასიათის, გუნება-განწყობილების ცვლილება;
- შებერილობა;
- მსუბუქი კრუნჩხვა, სპაზმი;
- ყაბზობა;
- მომატებული მგრძნობელობა სუნის მიმართ, გარკვეული საკვების მოთხოვნილება, გემოს ცვლილება;
- ცხვირის დაგუბება.
ნამდვილად ორსულად ხართ თუ არა?
როგორც სტატიაში ვკითხულობთ, ეს სიმპტომები 100%-ით ორსულობას არ ადასტურებს და შესაძლოა სხვა მდგომარეობაზე მიუთითებდეს.
აღსანიშნავია, რომ შესაძლოა ორსულად იყოთ და ამ ნიშნების უმეტესობა არც გქონდეთ.
ტესტისა და საეჭვო სიმპტომების გარდა ორსულობის დადასტურება კვლევით შეგიძლიათ - უტყუარი ნიშანია ულტრაბგერითი კვლევის შედეგად დადასტურებული ორსულობა (ნაყოფის ვიზუალიზება და გულისცემის მოსმენა).
რასაკვირველია, გასათვალისწინებელია ისეთი სიტუაციებიც, როდესაც ტესტი დადებითია, მაგრამ ექოსკოპიურად საშვილოსნოს ღრუში ორსულობა არ ჩანს; ეს შესაძლოა იმას ნიშნავდეს, რომ ჯერ სახეზეა პატარა ორსულობა, თუმცა არ უნდა გამოირიცხოს გარე ორსულობის რისკიც. ასეთ შემთხვევაში ინიშნება ტესტი სისხლში ქორიონული გონადოტროპინის დონის განსაზღვრის მიზნით.
წყარო:
