შებერილობა ციკლის დროს

შებერილობა გავრცელებული ჩივილია მენსტრუაციამდე და ციკლის დაწყებისას.

პერიოდის შებერილობა დისკომფორტს იწვევს - ზოგიერთი ქალი ამტკიცებს, რომ ამ სიმპტომის გამო მუცელი შეშუპებული და ზომაში მომატებული აქვს, ასევე ცვლილება შეიმჩნევა წონაზეც. სავარაუდოდ, ხშირად გაგიგონიათ, რომ ციკლის დროს სასწორზე აწონვას აზრი არ აქვს, რადგან ამ პერიოდში წონას რამდენიმე გრამით და ზოგჯერ კილოთიც კი ზედმეტს აჩვენებს.

ცნობისათვის შებერილობა ერთ-ერთი გავრცელებული სიმპტომია პრემენსტრუალური სინდრომისთვის. სტატისტიკურად, ციკლის მქონე ქალთა 75%-ს ეს ჩივილი გამოუცდია.

შებერილობასთან ერთად შესაძლოა გამოგივლინდეთ შემდეგი ნიშნები:

• ხასიათის ცვლილება;

• დაღლილობა;

• მუცლის სპაზმი;

• აკნე;

• საკვების მიღების ძლიერი სურვილი;

• მკერდის შეშუპება;

• თავის ტკივილი;

• ზურგის ტკივილი.

ციკლამდე და უშუალოდ მენსტრუაციის დროს შებერილობის მიზეზი ჰორმონების პროგესტერონისა და ესტროგენის დონის ცვლილებაა. გარკვეული მეთოდებით ამ დისკომფორტის შემცირება შესაძლებელია.

რეკომენდებულია:

• მოერიდეთ მარილიან კერძებს;

• მიირთვით კალიუმით მდიდარი პროდუქტები;

• ხშირად დალიეთ წყალი;

• სასურველია რეგულარულად ივარჯიშოთ;

• ზოგჯერ მიზეზი შესაძლოა იყოს ზოგიერთი მედიკამენტის გვერდითი ეფექტი, შესაბამისად, აუხსენით ექიმს და ალტერნატიული წამლით ჩაანაცვლებს.

თუ ციკლისმიერი შებერილობა მნიშვნელოვნად გიქვეითებთ ცხოვრების ხარისხს აუცილებლად მიმართეთ ექიმს. ამასთან, მედიკოსს უნდა დაუკავშირდეთ თუ შებერილობა არ გაივლის მენსტრუაციის დასრულების შემდეგაც კი.

წყარო:

https://www.medicalnewstoday.com/articles/319579