თმა ნიკაპზე.
ტესტოსტერონის გამო თმა ჩნდება ნიკაპსა და ყელზე, ორივე სქესში. თუმცა ქალებში სახის არეში ჭარბთმიანობა შესაძლოა ჰორმონული დისბალანსით იყოს გამოწვეული.
თმა, კანისა და თვალის ფერის მსგავსად, გვხდის უნიკალურს, ჩვენი იერსახის ერთ-ერთი დამახასიათებელი ფაქტორია. გასათვალისწინებელია გენეტიკა და ჰორმონები - სწორედ ამ ფაქტორთა კომბინაციის ფონზე ინდივიდუალურია ის თუ რა სიხშირის თმა გვაქვს და რამდენად სწრაფად იზრდება ან საერთოდ ჩნდება თუ არა სახის არეში.
ინდივიდუალურია თმის მოშორების მეთოდების ეფექტურობაც, მაგალითად, თუ ერთი საშუალება რომელიმე ქალს სახეზე თმიანობას მარტივად უქრობს, მეორეს სისტემატურად სჭირდება განმეორებითი პროცედურა.
გაითვალისწინეთ, თითქმის ყველა ქალს აქვს ერთგვარი ბალანი სახეზე, მაგრამ ზოგიერთს გაცილებით მეტი აქვს ნიკაპის არეში. მსგავს კლინიკურ შემთხვევებში გამომწვევი მიზეზი შეიძლება იყოს გენეტიკა ან ასაკი. მენოპაუზა ხშირად იწვევს თმიანობას სახის არეში.
გაიარეთ ექიმის კონსულტაცია შემდეგი სიმპტომების დროს:
- მოულოდნელად, უჩვეულოდ წამოიზარდა/გახშირდა თმა ნიკაპის, მუცლის არეში ან სწრაფად მოიმატეთ წონაში;
- შეგიწყდათ ციკლი ან მენსტრუაციის დროს გაქვთ სუსტი თუ ძლიერი სისხლდენა (ანუ ნებისმიერი ცვლილება პერიოდთან დაკავშირებით, რაც მანამდე არ გქონიათ);
- გაგითხელდათ თმა;
- აკნე;
- თავის ტკივილი.
რაც შეეხება არასასურველი თმის მოცილების მეთოდებს, დღეს დანერგილია:
- ლაზერული ეპილაცია;
- ცვილი;
- დეპილატორ კრემები;
- პინცეტი;
- ელექტროეპილაცია;
- ძაფი.
წყარო:
https://www.healthline.com/health/chin-hair-women
