რომელი დაავადებები ჩნდება ქრონიკული ანთების გამო?

როგორ ამოვიცნოთ ქრონიკული ანთება?

ორგანიზმში უცხო სხეულის შეჭრის საპასუხოდ იმუნიტეტი თავდაცვის რეჟიმზე გადადის და ანთებით უჯრედებს გამოიმუშავებს; ეს უჯრედები ბრძოლას იწყებენ ბაქტერიების წინააღმდეგ და დაზიანებული ქსოვილის განკურნებას, აღდგენას ცდილობენ. ქრონიკული ანთება არის მდგომარეობა, როდესაც აღნიშნული უჯრედები მაშინაც კი გამომუშავდება, როცა ცუდად არ ხართ და სხეულს არც ტრავმა/დაზიანება აქვს მიყენებული.

ანთების ორი ფორმა არსებობს:

• მწვავე ანთება: ეს არის რეაქცია სხეულის უეცარ დაზიანებაზე, მაგალითად, თითის გაჭრაზე. მსგავს შემთხვევაში სხეული თავდაცვით უჯრედებს ტრავმის სამკურნალოდ იყენებს;
• ქრონიკული ანთება: სხეული უჯრედების გამოყოფას მაშინაც კი აგრძელებს, როდესაც ორგანიზმს საფრთხე არ ემუქრება.

ქრონიკული ანთებისთვის დამახასიათებელი სიმპტომებია:

• მუცლის ტკივილი;
• გულმკერდის ტკივილი;
• დაღლილობა;
• სიცხე;
• სახსრის ტკივილი და დაჭიმულობა;
• პირის ღრუს წყლული;
• გამონაყარი კანზე.

ქრონიკული ანთება სახიფათო მდგომარეობაა, რადგან პათოლოგიური პროცესი არაერთი დაავადების განვითარების წინაპირობად ითვლება.

ქრონიკული ანთების ფონზე მნიშვნელოვნად იზრდება შემდეგი დაავადებების რისკი:

• ალცჰაიმერის დაავადება;
• ასთმა;
• კიბო;
• გულის დაავადება;
• რევმატოიდული ართრიტი;
• დიაბეტი ტიპი 2.

 

 

 

წყარო:  

https://my.clevelandclinic.org/health/symptoms/21660-inflammation