C ჰეპატიტი ვირუსული ინფექციაა, რომელიც იწვევს ღვიძლის ანთებას.
ვირუსი ვრცელდება ინფიცირებული სისხლით.
თუ ადამიანი C ჰეპატიტის ვირუსით ხანგრძლივი დროით ავადობს, საქმე გვაქვს ქრონიკულ ჰეპატიტთან.
ზოგიერთ კლინიკურ შემთხვევაში ანთება ღვიძლის სერიოზული დაზიანების წინაპირობა ხდება.
რეკომენდებულია 18-დან 79 წლამდე ასაკის ადამიანებმა გაიარონ სკრინინგი C ჰეპატიტზე და მაშინაც კი თუ პირს არ აქვს სიმპტომები ან ანამნეზში არ ფიქსირდება ღვიძლის დაავადება.
სკრინინგი განსაკუთრებით მნიშვნელოვანია რისკ-ჯგუფში მყოფი პირებისთვის. რისკ-ჯგუფს წარმოადგენს:
- ნებისმიერი ადამიანი, რომელმაც შეისუნთქა ან ინექციის სახით მიიღო უკანონო, აკრძალული ნარკოტიკი, ნივთიერება;
- ანამნეზში პათოლოგიური ღვიძლის ფუნქცია, რომლის გამომწვევი მიზეზიც იდენტიფიცირებული არ არის;
- C ჰეპატიტის მქონე დედის შვილები;
- მედიკოსები, რომელთაც კონტაქტი აქვთ სისხლთან ან ნემსთან;
- ჰემოფილიის მქონე პირები, რომლებიც მკურნალობდნენ შედედების ფაქტორებით 1987 წლამდე;
- პაციენტები, რომლებიც ხანგრძლივი დროით იტარებენ ჰემოდიალიზს;
- პირები, რომლებსაც 1992 წლამდე ჩაუტარდათ სისხლის ტრანსფუზია ან ორგანოს ტრანსპლანტაცია;
- თუ სქესობრივ პარტნიორს დაუდასტურდა C ჰეპატიტი;
- პირი, რომელიც იმყოფებოდა ციხეში.
თუ სისხლის ანალიზმა დაადასტურა C ჰეპატიტი, საჭირო გახდება დამატებითი ანალიზები, კერძოდ:
- სისხლში C ჰეპატიტის ვირუსის რაოდენობის შეფასება;
- ვირუსის გენოტიპის იდენტიფიცირება.
ქრონიკული C ჰეპატიტის შემთხვევაში ღვიძლის დაზიანების ხარისხის შესაფასებლად მოწოდებულია შემდეგი ტიპის კვლევები:
- მაგნიტურ-რეზონანსული ელასტოგრაფია;
- ტრანზიტორული ელასტოგრაფია;
- ღვიძლის ბიოფსია;
- სისხლის ანალიზი ღვიძლში ფიბროზის მოცულობის შესაფასებლად.
მკურნალობის მეთოდებია:
- ანტივირუსული მედიკამენტები;
- ღვიძლის ტრანსპლანტაცია (ქრონიკული C ჰეპატიტის ინფექციის სერიოზული გართულების დროს);
- ვაქცინაცია. უშუალოდ C ჰეპატიტის ვაქცინა არ არსებობს, თუმცა შესაძლოა ექიმმა მოგიწოდოთ ჩაიტაროთ ვაქცინაცია A და B ვირუსების წინააღმდეგ.
წყარო:
https://www.mayoclinic.org/diseases-conditions/hepatitis-c/diagnosis-treatment/drc-20354284
