ფუფხი

რატომ ჩნდება ფუფხი?

ფუფხი ძლიერი, გამომშრალი/გამხმარი სისხლის შენადედია, რომელიც ფორმირდება გაჭრილ კანზე სისხლდენის შესაჩერებლად და ქსოვილის დასაცავად. ფუფხი ჭრილობის შეხორცების პროცესის შემადგენელი ნაწილია, მაგრამ ყველა ჭრილობაზე არ ჩნდება.

მას 2 ძირითადი დანიშნულება აქვს:

• ჭრილობიდან სისხლდენა შეაჩეროს;

• ჭრილობა დაიცვას.

როგორც წესი, ფუფხი წარმოიქმნება მაშინ, როდესაც ჭრილობის მქონე კანი მშრალი რჩება. თუ ჭრილობის გარშემო კანი დროულად დამუშავდება ანტიბიოტიკის შემცველი კრემით ან სხვა სამკურნალო მალამოთი, შესაძლოა ფუფხი არ ჩამოყალიბდეს.

ფუფხი მოსალოდნელია შემდეგი ტიპის ჭრილობისას:

• კანის გაჭრა;

• ძლიერი ჩამოკაწვრა;

• ნაჩხვლეტი ჭრილობა;

• დამწვრობა;

• წყლული;

• ქირურგიული განაკვეთი;

• კანის ბიოფსია.

კანის მთლიანობის დარღვევისას ფუფხის რისკი მაღალია შემდეგი გარემოებებისას:

• აკნე;

• ბებერები;

• მწერის ნაკბენი;

• ეგზემა;

• ფსორიაზი;

• ჩუტყვავილა;

• ჰერპესი;

• ფოლიკულიტი;

• იმპეტიგო.

ფუფხი იწვევს ქავილის შეგრძნებას და ეს ჩივილი ჭრილობის შეხორცების პროცესის ბუნებრივი ნაწილია. თავის შეკავება რთულია, თუმცა მაქსიმალურად შეეცადეთ არ მოიქავოთ ფუფხი.

წყარო:

https://my.clevelandclinic.org/health/body/scab